ტენდერი სხვადასხვა ტიპის კონდიცირება/ვენტილაციის სისტემის დიაგნოსტიკაზე

დასახელება

განაცხადის შემოტანის ბოლო ვადა

01 აპრილი, 2019

აღწერილობა

სააქციო საზოგადოება „ლიბერთი ბანკი“

სატენდერო დოკუმენტაცია

სხვადასხვა ტიპის კონდიცირება/ვენტილაციის სისტემის დიაგნოსტიკა-შეკეთება

2019 წელი

1. შესყიდვის ობიექტი

1.1 სხვადასხვა ტიპის კონდიცირება/ვენტილაციის სისტემის დიაგნოსტიკა-შეკეთება 3 ლოტად (დანართი N 1; დანართი N 2; დანართი N 3) მიხედვით:

ლოტი N 1 (სპლიტ კონდიციონერები);
ლოტი N 2 (კასეტური კონდიციონერები);
ლოტი N 3 ( არხული ვენტილაცია);

2. პრეტენდენტის მიერ წარმოსადგენი დოკუმენტ(ებ)ი

კომპანიის მიმოხილვა:
საქმიანობის მოკლე აღწერილობა, კლიენტების სია, რეკომენდაციები (ბოლო ერთი თვის);
განიხილება კომპანიები, რომლებიც მინიმუმ 3 წელიწადია დაფუძნებული;
ინფორმაცია დამფუძნებლ(ებ)ის და მფლობელ(ებ)ის შესახებ;
კომპანიის სერთიფიკატები (ასეთის არსებობის შემთხვევაში);
სატენდერო წინადადება ფასების ცხრილის მიხედვით (დანართი N1, დანართი N2, დანართი N3 );
ინფორმაცია მოწოდების ვადებსა და პირობებზე;
ინფორმაცია საგარანტიო ვადებსა და პირობებზე;
ინფორმაცია წარსულში ანალოგიური გამოცდილების შესახებ;
ცნობა საგადასახადოდან დავალიანების არ არსებობის შესახებ;
რეკვიზიტები;
საკონტაქტო პირის (პროექტის მენეჯერის) მონაცემები.

შენიშვნა:

- განიხილება მხოლოდ ის წინადადებები, რომლებიც მოიცავს ზემოთ ჩამოთვლილ ყველა პუნქტს.

3. შესყიდვის ობიექტის მიწოდების ვადა, ადგილი და მიწოდების პირობა

3.1 მომსახურების მოწოდება უნდა განხორციელდეს დანართი N4-ში , მითითებული მისამართების შესაბამისად; მომსახურების პერიოდში შესაძლებელია მისამართების მცირედი დაკორექტირება;

4. პრეტენდენტის წინადადების ფასი და ანგარიშსწორების პირობები

4.1 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;

4.2 ბანკის მიერ ანაზღაურება განხორციელდება ფაქტიურად შესრულებული მომსახურების შესახებ მიღება-ჩაბარების აქტის, საგადასახადო ანგარიშფაქტურისა და ზედნადების წარმოდგენიდან 10 (ათი) სამუშაო დღის განმავლობაში;

5. ზოგადი პირობები

5.1 პრეტენდენტის მიერ მოწოდებული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილი უნდა იქნას მინდობილობა);

5.2 სატენდერო დოკუმენტაციით მოთხოვნილი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;

5.3 გამარჯვებულ პრეტენდენტთან ხელშეკრულება გაფორმდება, ხელშეკრულების დრაფტის (დანართი N5) მიხედვით. ხელშეკრულების ხელმოწერაზე უარის თქმა ავტომატურად გამოიწვევს პრეტენდენტის დისკვალიფიკაციას და შავ სიაში მოხვედრას.

6. ინფორმაცია პრეტენდენტებისათვის

6.1 ტენდერის სამივე ლოტში გამარჯვებულმა კომპანიამ:

• ხელშეკრულების გაფორმებიდან ორი თვის ვადაში, უნდა უზრუნველყოს მთელი საქართველოს მასშტაბით „ლიბერთი ბანკის“ ფილიალებში არსებული კონდიციონერების დიაგნოსტიკა დანართში მითითებული მოთხოვნების შესაბამისად;

• დიაგნოსტიკის დროს დაფიქსირებული დაზიანების შესახებ, შემსრულებელმა უნდა აცნობოს ბანკის წარმომადგენელს და თანხმობის შემთხვევაში უზრუნველყოს დაზიანებული ნაწილის შეცვლა/შეკეთება ფასების ცხრილში მითითებული ტარიფების შესაბამისად;

• ფილიალების ჩამონათვალი და მისამართები მითითებულია დანართებში;

6.2 გამარჯვებული კომპანია გამოვლინდება ლოტების მიხედვით;

6.3 გამარჯვებულ კომპანიათან გაფორმდება ერთწლიანი ხელშეკრულება, ტენდერის ფარგლებში სხვადასხვა ტიპის სამუშაოების ჩატარებაზე;

6.4 ხელშეკრულების მოქმედების პერიოდში, დიაგნოსტიკა უნდა განხორციელდეს ერჯერადად, ტენდერში მითითებული პირობის და ვადების შესაბამისად;

6.5 დიაგნოსტიკის დასრულების შემდეგ, კომპანია ვალდებულია მოემსახუროს ბანკს მოთხოვნის საფუძველზე, მოთხოვნის გაგზავნიდან თბილისში - 24 საათის განმავლობაში, რეგიონში - 48 საათის განმავლობაში, დაადგინოს დაზიანების მიზეზი და ცხრილში მითითებული ტარიფების შესაბამისად მოახდინოს მათი აღმოფხვრა;

6.6 შემოთავაზების წარმოდგენის ბოლო ვადა: 2019 წლის 01 აპრილი 17:00 საათი. ადგილმდებარეობა: სს „ლიბერთი ბანკი“, ი.ჭავჭავაძის გამზ. #74, ქ.თბილისი, 0162.

6.7 სატენდერო წინადადებები წარმოდგენილი უნდა იყოს დალუქულ კონვერტში, რომელზეც მითითებული უნდა იყოს შემდეგი ინფორმაცია: პრეტენდენტის დასახელება, საკონტაქტო ინფორმაცია, სატენდერო კომიტეტი, სს „ლიბერთი ბანკი“ (ტენდერი სხვადასხვა ტიპის კონდიცირება/ვენტილაციის სისტემის დიაგნოსტიკაზე).

6.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში: ქ.თბილისი, ი.ჭავჭავაძის გამზ. #74, მე-8 სართული, შორენა თავაძე მობ: 595 901 200; ელ-ფოსტა: Shorena.Tavadze@libertybank.ge; ტექნიკურ საკითხებზე - გიორგი მდივნიშვილი მობ: 551 888 398; ელ-ფოსტა: Giorgi.Mdivnishvili@libertybank.ge

ტენდერები

ტენდერები