• სს ”ლიბერთი ბანკი”-ს სტრუქტურულ ერთეულებში მომხმარებლის მხრიდან საცალო/კორპორატიულ საბანკო პროდუქტებთან დაკავშირებით შემოსული პრეტენზიების ზეპირი, წერილობითი და ელექტრონული ფორმ(ებ)ით მიღება/განხილვის პროცესის დარეგულირებას.
• ფინანსური ორგანიზაციების მიერ მომსახურების გაწევისას მომხმარებლისათვის აუცილებელი ინფორმაციის მიწოდების წესის შესაბამისად, უზრუნველყოს პრეტენზიის დაკმაყოფილების სრული, აუცილებელი, გასაგები, უტყუარი და დროული ინფორმაციის თანმიმდევრული მიწოდება. პროცედურით არ რეგულირდება, თუ:
  • ფინანსურ ორგანიზაციას წერილობითი ან ელექტრონული ფორმით უკვე განხილული აქვს ამავე მომხმარებლის იგივე პრეტენზია წერილობითი ფორმით და ადგილი არ აქვს დამატებით მნიშვნელოვან ფაქტებსა და გარემოებებს აღნიშნულ საკითხთან დაკავშირებით;
  • მომხმარებლის პრეტენზია ეხება ფინანსური ორგანიზაციის უარს მომხმარებლისთვის ფინანსური პროდუქტის მიწოდებაზე, გარდა იმ შემთხვევებისა, როცა ფინანსურ ორგანიზაციას ეკისრება აღნიშნული ფინანსური პროდუქტის მიწოდების ვალდებულება; ან
  • პრეტენზიის მიზეზს წარმოადგენს შეფერხებები ან უარი მომსახურების გაწევაზე, რომლებიც განპირობებულია მოქმედი კანონმდებლობის მოთხოვნით, მათ შორის „უკანონო შემოსავლის ლეგალიზაციის აღკვეთის ხელშეწყობის შესახებ“ საქართველოს კანონით. 

• მომხმარებლის მხრიდან პრეტენზიის განაცხადი (შემდგომში პრეტენზია) მიიღება სს ”ლიბერთი ბანკი”-ს ფილიალებში, რეგიონალურ ფილიალებში და სერვის-ცენტრებში; 
• პრეტენზიის მიღება ხდება შემდეგი ფორმებით: წერილობითი, ელექტრონული (შეზღუდვის გარეშე: ბანკის კორპორატიული ინტერნეტ გვერდი www.libertybank.ge ან/და ელ-ფოსტა - consumerprotection@libertybank.ge) ან/და ინტერნეტ ბანკით;
• წერილობითი, მათ შორის ელექტრონული სახით, შემოსული პრეტენზიები აკუმულირდება მომხმარებელთა უფლებების დაცვის დეპარტამენტში. მომხმარებელთა უფლებების დაცვის დეპარტამენტი კოორდინაციას უწევს სათავო ბანკის შესაბამისი დეპარტამენტების მხრიდან გასატარებელ ღონისძიებებს, წერილობითი პასუხების მომზადებას, პრეტენზიის განმცხადებელ პირებზე გადაგზავნას და ასევე აკონტროლებს საქართველოს ეროვნული ბანკისადმი რეგულარული ანგარიშგების პროცესს; 
• პრეტენზიის მიღების, განხილვისა და მომხმარებლისათვის პასუხის გაცემის მაქსიმალური ვადაა 1 თვე. 

 საქართველოს ეროვნული ბანკის დავების განმხილველი კომისია

• ,,საგადახდო მომსახურებასთან დაკავშირებით, ბანკისათვის წარდგენილი საჩივრის დადგენილ ვადაში დაუკმაყოფილებლობის (მათ შორის, პასუხის გაუცემლობის) ან ნაწილობრივ დაკმაყოფილების შემთხვევაში, კლიენტი უფლებამოსილია, განსახილველ საჩივართან დაკავშირებით, ბანკისთვის საჩივრით მიმართვის დღიდან არაუგვიანეს 6 თვის განმავლობაში მიმართოს საქართველოს ეროვნულ ბანკთან არსებულ დავების განმხილველ კომისიას, რომელიც დავას განიხილავს უსასყიდლოდ“.