ლიბერთი აგრძელებს მომხმარებლის გამოცდილების გაუმჯობესებას ბანკის ციფრულ არხებში. დღეიდან, საგადამხდელო ვებ-გვერდი Pay.ge-ს განახლებული ვერსია გაეშვა. 

Pay.ge არის ლიბერთის ციფრული საგადამხდელო არხი, რომელიც მომხმარებელს საშუალებას აძლევს კომუნალური, სახელმწიფო სერვისების და სხვა სახის გადასახადები მარტივად და სწრაფად გადაიხადოს. Pay.ge-ს საშუალებით შესაძლებელია სწრაფად და მარტივად, ნებისმიერი ბანკის ბარათიდან ბარათზე მომენტალურად გადარიცხვის (P2P) ფუნქციონალით სარგებლობა. 

„ლიბერთის სტრატეგიის „ახალი ლიბერთი ახალი ცხოვრებისთვის” ფარგლებში, ჩვენს მომხმარებლებს მუდმივად ვთავაზობთ  მათ საჭიროებებზე მორგებულ საბანკო პროდუქტებსა და სპეციალურ შეთავაზებებს. 

ჩვენი გუნდის პრიორიტეტია მაქსიმალურად დახვეწილი ციფრული არხებით ადამიანებს გავუმარტივოთ საბანკო სერვისებით სარგებლობა. Pay.ge-ს განახლებისა და ვებ გვერდის მუშაობის ოპტიმიზაციის შედეგად, მომხმარებელს ვთავაზობთ გამარტივებულ ფუნქციონალს, გაუმჯობესებულ გამოცდილებას, რაც მათთვის სასურველი სერვისებით მარტივად სარგებლობას უზრუნველყოფს.“ - დავით მესხიძე, ლიბერთის დისტანციური არხების ბიზნესის განვითარების ხელმძღვანელი.