დოკუმენტური აკრედიტივის შემთხვევაში, ანგარიშსწორება ხორციელდება მხოლოდ მაშინ, როდესაც ზედმიწევნით შესრულდება ამავე აკრედიტივით გათვალისწინებული ყველა პირობა. სს „ლიბერთი ბანკი“ გთავაზობთ როგორც ადგილობრივ, ასევე საერაშორისო დოკუმენტურ აკრედიტივს.

უპირატესობები მყიდველისთვის / იმპორტიორისთვის:

• თანხის გადახდა გამყიდველისთვის (თქვენი პარტნიორი) მხოლოდ მას შემდეგ, რაც გამყიდველი დოკუმენტებით დაადასტურებს აკრედიტივის პირობების შესრულებას;
• პროდუქციის მოწოდების/სამუშაოების შესრულების ვადის კონტროლი;
• ზოგიერთ შემთხვევაში მოწოდებული პროდუქციის/შესრულებული სამუშაოების ხარისხის კონტროლი;
• ბანკისგან მოკლე ან გრძელვადიანი დაფინანსების უკეთესი პირობების მიღების შესაძლებლობა;
• ზოგიერთ შემთხვევაში გადახდის გადავადების მიღების შესაძლებლობა.

უპირატესობები გამყიდველისთვის / ექსპორტიორისთვის

• ბანკის მიერ თანხის გარანტირებული გადახდა გამყიდველისთვის (თქვენ) საქონლის მიწოდების და/ან სამუშაოების შესრულების დამადასტურებელი და დოკუმენტური აკრედიტივით გათვალისწინებული დოკუმენტაციის წარმოდენის შემდეგ;
• გამყიდველის მიერ (თქვენ) წინასწარი დაფინანსების მიღების შესაძლებლობა პროდუქციის მიწოდებისთანავე და/ან სამუშაოების შესრულებისთანავე (დოკუმენტური აკრედიტივის დისკონტი).

დამატებითი ინფორმაციისთვის დაგვიკავშირდით: documentary.sales@lb.ge