თქვენ შეგიძლიათ Apple Pay-ში დაამატოთ ლიბერთი ბანკის მიერ ემიტირებული ყველა ტიპის Visa და MasterCard ბარათი გარდა მაესტრო და ბიზნეს ბარათებისა.

Apple Pay-ს ფუნქციონალი არ არის ხელმისაწვდომი UnionPay და ლოკალური ბარათებისათვის.

საფულეში პირველად დამატებული ბარათი ავტომატურად გამოიყენება Apple Pay-ს საშუალებით გადახდისას.

იმისათვის, რომ შეცვალოთ თქვენი Default ბარათი, შედით მენიუში Settings, აირჩიეთ Wallet & Apple Pay და  დააჭირეთ Default Card-ს. აირჩიეთ თქვენი ლიბერთი ბანკის ბარათი და დააყენეთ Default ბარათად.

Apple Pay გადახდის უსაფრთხო მეთოდია. Apple Pay-ს საშუალებით გადახდისას ბარათის ნომრის ნაცვლად გამოიყენება უნიკლაური ციფრული ბარათის ნომერი, რომელიც იქმნება, იშიფრება და უსაფრთხოდ ინახება მოწყობილობის Secure Element-ში ბარათის დამატებისას.

გადახდისას გამოიყენება ციფრული ბარათის ნომერი და ტრანზაქციის შესაბამისად დაგენერირებული დინამიური უსაფრთხოების კოდი, შესაბამისად თქვენი ბარათის ნომერი არ გადაეცემა მომსახურე ობიექტს ან საგადახდო სისტემას Apple-ის მიერ.

იმისათვის რომ დაიცვათ თქვენი ბარათის უსაფრთხოება

• არ დააყენოთ Passcode, რომელიც შეიძლება ადვილად გამოიცნოს ვინმემ, ასევე არ გაანდოთ ის სხვას
• დარწმუნდით რომ თქვენს მოწყობილობაზე არ ინახება სხვა პირის თითის ანაბეჭდი ან Face ID.

ლიბერთი ბანკის მიერ არ არის დაწესებული დამატებითი საკომისიო Apple Pay-ს გამოყენებისას.

თუ თქვენ დაკარგეთ ან მოგპარეს მოწყობილობა, რომელზეც გააქტიურებული გქონდათ Apple Pay, შედით icloud.com/find ან Find My iPhone აპლიკაციაში რომ დაბლოკოთ ან წაშალოთ თქვენი ლიბერთი ბანკის ბარათი მოწყობილობიდან. ბარათი დაიბლოკება/წაიშლება მაშინაც კი თუ თქვენი მოწყობილობა გათიშულია ან არ არის დაკავშირებული მობილურ ინტერნეტთან ან Wi-Fi ქსელთან.

თქვენ ასევე შეგიძლიათ დაგვიკავშიდეთ თქვენი ბარათის დასაბლოკად ან წასაშლელად Apple Pay-დან.

თუ თქვენ იცვლით ან ანახლებთ მოწყობილობას, თქვენ დაგჭირდებათ თავიდან დაამატოთ ბარათი Wallet-ში.

გთხოვთ, დარწმუნდეთ რომ თქვენი ბარათ(ებ)ი წაშლილია მოწყობილობიდან გაყიდვისას, გაცვლისას  ან მესამე პირზე გადაცემისას, მაგალითად შეკეთებისთვის.

თქვენ შეგიძლიათ წაშალოთ ბარათი ნებისმიერ დრო. ამისათვის გადადით მენიუში Settings > Wallet & Apple Pay, აირჩიეთ ბარათი რომლის წაშლაც გსურთ და დააჭირეთ Remove Card ღილაკს.