2011 წლის 16 სექტემბერს, სსიპ სოციალური მომსახურების სააგენტოსა და ლიბერთი ბანკს შორის, პროექტის “ჩემი მეგობარის“ ფარგლებში მემორანდუმი გაფორმდა.

პროექტის მიზანია, მაქსიმალურად შეუწყოს ხელი მზრუნველობამოკლებული ბავშვების საზოგადოებასთან ინტეგრაციას, ამ პროცესში ჩართოს სხვადასხვა კომპანიები, კორპორაციული სოციალური პასუხისმგებლობის ფარგლებში. ასევე თითოეულ მცირე საოჯახო ტიპის სახლს ჰყავდეს მეგობარი კომპანია, რომელიც გრძელვადიან პერსპექტივაში ამ სახლებში მცხოვრებ ბავშვებს საზოგადოებათან ინტეგრაციაში დაეხმარება. ბავშვზე ზრუნვის სისტემის რეფორმა 2009 წლიდან მიმდინარეობს და გულისხმობს ტრადიციული ბავშვთა სახლების რაოდენობის შემცირებასა და სამომავლოდ მათ სრულ ჩანაცვლებას მცირე საოჯახო ტიპის სახლებით.

ამჟამად, საქართველოს მასშტაბით, 17 მცირე საოჯახო ტიპის სახლი ფუნქციონირებს. რეფორმის საბოლოო მიზანი იყო მზრუნველობამოკლებული ბავშვების მცირე საოჯახო ტიპის სახლებში განთავსება და მათი ოჯახურ გარემოსთან მიახლოებულ პირობებში აღზრდა.

ლიბერთი ბანკი პროექტის ფარგლებში დაუმეგობრდა ახმეტის საოჯახო სახლს, რომელთანაც დღესაც განაგრძობს მეგობრობას. ლიბერთი ბანკის დაფინანსებით, ახმეტის ბავშვთა სახლში გაუმჯობესთა საცხოვრებელი პირობები, ბავშვებისთვის შევიძინეთ სხვადასხვა საყოფაცხოვრებო თუ გასართობი ნივთები. ამ და სხვა დახმარებებით ლიბერთი ბანკი კვლავ განაგრძობს ახმეტის ბავშვთა სახლის თანადგომას.