ENG
ერთად ვიბრძოლოთ ძუძუს კიბოს წინააღმდეგ - შემოგვიერთდით!

ერთად ვიბრძოლოთ ძუძუს კიბოს წინააღმდეგ

ლიბერთი ბანკის პარტნიორობითა და კომპანია ეივონ (AVON) კოსმეტიქს საქართველოს ეგიდით, საქართველოში ჩატარდა კამპანია - „ერთად ვიბრძოლოთ ძუძუს კიბოს წინააღმდეგ - შემოგვიერთდით!“.

ლიბერთი ბანკი, საკუთარი მომსახურების არხების მეშვეობით, შერჩეულ რეგიონებში ავრცელებს კომპანია ეივონთან ერთად შემუშავებულ საგანმანათლებლო ლიტერატურას თვითშემოწმებისა და სკრინინგის საჭიროების შესახებ. დამატებით, ლიბერთი ბანკის მომსახურების არხების მეშვეობით, მომხმარებელი მიიღებს ინფორმაციას, თუ როდის ეწვევა მის სოფელთან თუ ქალაქთან ახლომდებარე დასახლებას კომპანია ეივონის მობილური კლინიკა. 

ძუძუს კიბო ერთ-ერთი ყველაზე ხშირი დაავადებაა ქალებში, ამავე დროს, ადრეულ სტადიაში აღმოჩენისას, 10-დან 8 შემთხვევაში - დამაკმაყოფილებელი შედეგის მიღება შესაძლებელია. მუდმივი თვითშემოწმება და სკრინინგი, საგრძნობლად ამცირებს კიბოს განვითარების რისკს. ამიტომ, ძალიან მნიშვნელოვანია, რაც შეიძლება მეტმა ქალბატონმა მიიღოს ინფორმაცია თვითშემოწმების მეთოდებისა და სკრინინგის შესახებ.